وداعا للاستشوار

بسم الله الرحين الرحيم

مرحبا لصبايا على كيفك الجميلات
الإستشوار وماأدراك ما الإستشواااار ؟؟؟؟
ناااااار حااااااااميه .. للشعر حاااااارقه .. لليد متعبه .. وللنفسية مهلكه ...
شوفوا حبايبي ادري انكم تعاانون كثير بس المشكى لك يارب مو اللي شعورهم مو ناعمه (ماراح أقول خشنة مراعاة للجانب النفسي للأخوات المبتليات) حتى اللي شعورهم نويعمه يشتكون من هالإستشوار الله يجعل ماجانا منه تكفير ,,,,,,
طبعا في كثير من البنات الاسبشل يوميا يداعبون الاستشوار
طبعا جمعت حصيلة خلطات من هنا وهناك شي من منتدى وشين من اميمتي الله يحفظها لين طلعت النتيجة فتاااااااااكة
وهذاني جيت لأضع بين يديك الجميلتين الرقيقتين خلااصة التجارب ـ طالع فار تجارب مو شعر ـ
وصدقون حبايبي لما تحطونها مااراح تحتاجون للأستشوار الا بالمناسبات والعزايم الكبيرة ـ المشكى لك يارب مالنا غناة عن أبو ونة (الإستشوار) ـ وراح تلاحظين النتيجة من أول مره ورااح تدعين لي
بتشوفين اللممممممممممعه والنعووووووووووووومه زين مازين
اليك مقادير المااااااسك :
2 تفاحة مقشره ومقطعة ـ تسلق في كاس ماء صغير ـ
5ملاعق زبادي
2ملعقة مايونيز
قشر موزه وحده
4ملاعق زيت زيتون
2ملعقة زيت خروع
1ملعقة محلب (تلاقينه عند العطار)
تحطينهم بالخلاط لين يختلطون مره ,, بعدين تحطينهم على شعرك لين يغطيه بالكامل وتغطين شعرك بقبعة بلاستيكية بعدين تلفينه بشال (عشان مايدخلك برد والا يصكك أبا الوجيه بعدين تدعين علي ,, اسم الله عليكم الله لايوريني فيكم مكروه والله يحفظكم من كل شر)
المهم خلي الماسك على شعرك مدة 2_3ساعات
بعدين غسلي شعرك بالشامبو اللي مناسبك بشرط تكونين مخففه الشامبو بمويه ,,
بعدما تغسلين شعرك بالشامبو حطي شوي حمام زيت (للمعلومية كريم حمام الزيت المعالج أفضل من البلسم العادي)
بعدين اذا خلصتي متحممه حطي على شعرك كمية بسيطه من كريم مرطب والا زيت تونيك ببعدين مشطي شعرك وحطية طاقية (للي مايعرف الطاقية : هي عملية تمشيط الشعر باتجاهات متعدده الى ان يجف).........

وبالنعووومة واللمعااان


وسلاااااااامتكم